Kjw; gf;fk;
vk;ikg; gw;wp
kPs;gpuRu chpik
fUj;J
ftpij
cq;fs; fUj;J
njhlHGfSf;F
News in English
Computer
Day in Pictures
njd;wy; cyf thndhyp
 

njd;wypy; Njl
nrhy;:

அம்பாந்தோட்டையில் மேலும் இரு சடலங்கள் மீட்பு: மக்கள் மத்தியில் பதற்றம்
Date&Written by: (08.11.2007- Delan)

அம்பாந்தோட்டைப் பகுதியில் இன்று காலை மேலும் இருவரின் சடலங்கள் மீட்கப்பட்டுள்ளதையடுத்து அப்பகுதி மக்கள் மத்தியில் பதற்ற நிலை உருவாகியுள்ளது. இது தொடர்பாக செய்தி சேகரிக்கச் சென்ற இரு ஊடகவியலாளர்கள் சிங்களக் காடையர்களால் தாக்கப்பட்டுள்ளனர்.

அம்பாந்தோட்டை ரன்மினித்தெனவில் இருந்து 12 கிலோமீற்றர் தூரத்தில் உள்ள கலறா என்ற இடத்திலேயே இன்று வியாழக்கிழமை காலை 8:30 மணியளவில் துப்பாக்கிச் சூட்டுக்காயங்களுடன் இச்சடலங்கள் மீட்கப்பட்டுள்ளதாக தெரிவிக்கப்படுகிறது.

நேற்று நள்ளிரவு அப்பகுதியில் உள்ள காட்டுப்பகுதியில் துப்பாக்கிச்சூட்டுச் சத்தங்கள் கேட்டதாகவும் அந்த வேளையிலேயே இவர்கள் படுகொலை செய்யப்ட்டிருக்கலாம் என்றும் அப்பகுதி மக்கள் தெரிவித்துள்ளனர்.

இதனையடுத்து தற்போது காவல்துறையினரும், படையினரும் இணைந்து அப்பகுதியில் பாரிய அளவிலான தேடுதல் நடவடிக்கையினை மேற்கொண்டு வருகின்றனர். தேடுதல் நடவடிக்கை முடியும் வரை பொதுமக்கள் எவரையும் காட்டுப்பகுதிக்குச் செல்ல வேண்டாம் என்று எச்சரிக்கை விடுக்கப்பட்டுள்ளது.

மர்மமான முறையில் இடம்பெறும் இத்தகைய படுகொலைகளையடுத்து ஆத்திமடைந்திருக்கும் சிங்கள மக்கள் அங்குள்ள தமிழ் மக்களின் பகுதிகளில் தாக்குதல்களை நடத்தக்கூடும் என்ற அச்சத்தில் பெருமளவான காவல்துறையினரும், படையினரும் அப்பகுதிகளுக்கு நகர்த்தப்பட்டுள்ளதாகவும் தெரிவிக்கப்படுகிறது.

இதனிடையே அம்பாந்தோட்டை காட்டுப்பகுதியில் ஆயுதம் தரித்த குழுவினர் நடமாடுவதாகவும் மர்மமான முறையில் படுகொலைகள் இடம்பெறுவதாகவும் தெரிவித்துள்ள அப்பகுதி மக்கள், தமக்கு பாதுகாப்பு வழங்கக் கோரி நேற்று ஆர்ப்பாட்டம் நடத்தியிருந்தனர்.

இப்பகுதியில் ஆயுதம் தரித்தவர்கள் நடமாடுவதாக ஏற்கனவே தாம் காவல்துறையினருக்கும், படையினருக்கும் அறிவித்திருந்த போதும் அவர்கள் பாதுகாப்பு வழங்கவில்லை என்று ஆர்ப்பாட்டத்தில் கலந்து கொண்டவர்கள் தெரிவித்திருந்தனர்.

இந்நிலையிலேயே இன்றைய தினம் மேலும் இருவரின் சடலங்கள் அப்பகுதியில் இருந்து மீட்கப்பட்டுள்ளன.

பிந்திக் கிடைத்த தகவலின்படி சிங்களக் காடையர்கள் எதிர்ப்படும் தமிழர்களை தாக்குவதற்காக நிற்பதாகவும் சிலர் குழுக்களாக காட்டுக்குள் புகுந்து காவல்துறையினருடன் இணைந்து தேடுதல் நடத்தி வருவதாகவும் தெரிவிக்கப்படுகின்றது.




Copyright © 2005-10 ThenralWorldNews.com, All Rights Reserved.